Bainvgnü

Lavin (foto: www.poststempel-graubünden.ch)
  • Daspö sia fundaziun l'on 1904 es l'Uniun dals Grischs (UdG) activa per lingua e cultura rumantscha in Engiadina, Val Müstair e Bravuogn. Seis böt es da promouver e mantgnair la lingua ed ils  bains culturals dals Rumantschs Ladins.
  • L'Uniun dals Grischs maina ün lö d'inscunter cun libraria e program d'occurrenzas i'l Chesin Manella a Schlarigna.
  • Cun sias ediziuns e la vendita pissera l'Uniun dals Grischs per nouvs cudeschs, periodics ed otras medias in rumantsch ladin e per lur derasaziun.
  • L'Uniun dals Grischs es organisada sco società e collavura sco uniun affiliada da la Lia Rumantscha cun otras uniuns linguisticas e culturalas.

 

 

 


 

Radunanza generala da l'Uniun dals Grischs 2017


Ils 22 avrigl 2017 ha lö in chasa da scoula a Lavin la radunanza generala da l'Uniun dals Grischs (UdG) 2017. Sper las tractandas üsitadas sco rapports annuals, rendaquint e preventiv stan la tscherna d'ün(a) nouv(a) president(a), d'ün(a) nouv(a) commember(a) da suprastanza e d'ün(a) nouv(a) delega(da) da l'UdG in suprastanza da la Lia Rumantscha sül program.

Ün importanta tractanda da la radunanza generala da quist on sun las tschernas. Annalea Stuppan chi fa part da la suprastanza daspö il 2011, ed ha presidià quella daspö il 2014 ha demischiunà ed eir Seraina Fried chi'd es chaschiera da l'UdG daspö il 2013 as voul retrar, tuottas duos han demischiunà a favur dad ulteriurs ingaschamaints professiunals e persunals. Tschels commembers da la suprastanza as mettan a disposiziun per üna reelecziun. La radunanza generala elegia il president e'ls commembers da la suprastanza. La suprastanza as constituischa svessa cun excepziun dal parsura. Maria Sedlacek delegada da l'UdG illa suprastanza da la Lia Rumantscha daspö il 2013 ha eir demischiunà. Per mans da la radunanza da delegats da la Lia Rumantscha po l’UdG propuoner ün(a) successur(a). La suprastanza giavüscha cha quista persuna fetscha eir part da la suprastanza da l'UdG.

La suprastanza da l'UdG tschercha uossa persunas cun interess per lingua e cultura rumantscha chi sun prontas da s'ingaschar illa suprastanza da l'uniun. Ella piglia gugent incunter propostas e sta a disposiziun per dumondas.

Contact:
Annalea Stuppan, presidenta UdG, Ratschès 230, 7560 Martina,
e-mail: annalea86(at)bluemail.ch
mobil: 079 764 95 76